المشاركات

كل شوية يطلعولنا بحاجة اففففف

صورة
كذلك كتب احدهم على الفيس بوك موصيا بعدم النشر باسمه
"لما نقرا تاريخ غزوة بدر كويس هانفهم ان كان في محاولات قبل غزوة بدر الكبرى لمطاردة قوافل قريش وهي طالعة رحلة الصيف ومتجهة للشام وكانت المطاردات دي في نهاية جماد تاني ومرة دخل عليهم رجب وهو من الاشهر الحرم والرسول اعتبره قتل خطأ ودفع الدية لقريش رغم ان بينهم حرب
بينما غزوة بدر الكبرى كانت بسبب التعرض لقوافل قريش وهي راجعة من الشام يعني راجعة من رحلة الصيف
لكن لو اعتمدنا التقويم الهجري المعمول بيه حاليا هنلاقي ان غزوة بدر كانت متزامنة مع منتصف شهر مارس وان محاولات التعرض لقوافل قريش قبل الذهاب لرحلة الصيف كانت في عز فصل الشتاء
وبالتالي في تناقض بين التقويم والرواية وتفسير نص القران على ان رحلة الشام كانت هي رحلة الصيف
وكذلك غزوة تبوك اللي هي غزوة العسرة التي قال فيها المنافقون لا تنفروا في الحر كان النفير للغزوة في شهر رجب اللي التقويم الحالي بيقول ان رجب في سنتها كان في شهر نوفمبر يعني اقصى شهور الاعتدال في شمال الجزيرة العربية
بالفعل الباحث اللي ظهر مع ابراهيم عيسى في الحلقة لم يكن يخرف انا بحثت وراه واتفاجئت بازيد مما قال ووجدت…

تجربة فاشلة VS لا تجربة

مش معنى اننا نعترف بتجاربنا الفاشلة ونقدم خلاصتها للي بعدينا ان اللي ماخرجش من الكيس بتاعه يتباهى بنصاحته
طيب احنا عندنا حاجة نقدمها .. انت بقى عندك ايه "مجرد احساس غامض انك كنت صح !" ؟

كنت من دراويش الدروشة

مش عمرو خالد هو اللي سقط
انا وناس كتير غيري اللي سقطنا
من 15سنة انا كنت من دراويش عمرو خالد وقبلها بعشر سنين كنت من دراويش الاخوان وبعدها بشوية بقيت من دروايش التنمية البشرية وفي كل الفترة دي كنت من دراويش الدروشة ذات نفسها
ودايما كان في راي اخر معارض لدروشتنا كان دايما مش مفهوم ولغاية دلوقتي انا شايف الاراء اللي كانت بتتقال وقتها عاطفية معارضة ومضادة بتدعم وتقوي عاطفيتنا المدروشة
الحاجة اللي تعلمتها من تاريخ الدروشة ده كله اني اسعى نحو الرأي الاخر واحاول افهمه لو كان غير مفهوم واحاول افهم دوافعه لو كان مجرد صرخة عاطفية مضاده واتعلمت اني ابحث عن الخصم العقلاني بقوة لانه هو الضامن الوحيد لتوازني انا العقلاني
وما بقيتش استجيب لفكرة غير لما باشوف وافحص اراء المعترضين عليها قبل المؤيدين
السيستم واقع

"البتاع" ده ضار جدا بالصحة وزيادته قد تؤدي للوفاه

رغم انه مش بيجمع جملة واحدة مفيدة -ودي سمة في كل رجالته تقريبا وربما ده شرط اختيارهم- لكن العبد لله ربنا رزقه فهم لغة البلح وبقدر افهم كل حاجة قالها وكل حاجة مقالهاش
ومع ذلك بطلت اسمعه من 3 سنين بسبب العلل والاوجاع الجسدية والنفسية اللي بيسببهالي بالظبط زي ما تكون ع الطريق وتيقنت ان السواق شارب ومفيش قدامك غير يا اما تنط يا اما تغمض عينك
والله بجد وبحق وحقيقي والله ما هزار "البتاع" ده ضار جدا بالصحة وزيادته قد تؤدي للوفاه
السيستم واقع

لا تفدينا ولا تشمت فينا اصل اللي فينا مكفينا

اللي بيسبق حركة الناس ومفكر نفسه بطل وقت لما بيضحي ولا يجد صدى لتضحيته بيتحول لشامت ومثبط ومعطل لحركة الناس
فمن الاول اهه بقولك خليك في وسط الناس وبلاش تاخد دورة حياة البطل المزعوم عشان هاتخسر وتعطلنا اكتر ما احنا متنيلين بتسعة وخمسين نيلة
يا عم لا عايزينك تضحي ولا عايزينك تشمت
السيستم واقع

ليه بنحاول ننمط صورة المصريين اللي عددهم مائة مليون تقريبا بافعال فئات منهم "رقصوا قدام اللجان"

احنا ليه بنحاول ننمط صورة المصريين اللي عددهم مائة مليون تقريبا بافعال فئات منهم "رقصوا قدام اللجان" "اتمردوا على الحمل وديع محمد نجيب هذا الزمان" العسكري الغلبان- العسكري المفتري"
احنا ليه اصلا بنمط حتى الشخص نفسه بفعل واحد عمله في حياته
الطريقة دي بتفرغ غيظنا وتريحنا بس مش بتحل مشاكل السيستم واقع

الهتافات البذيئة قد تحل المعضلة

ميزة الهتافات البذيئة انها رغم بذاءتها لكنها بتبعد الاسلاميين والايدلوجيين عموما عن محاولة الركوب
الايدلوجي ممكن يشارك في الهتاف لكن صعب يقوده ويتباهى انه اول من نزل وقال كذا السيستم واقع

التسميات

عرض المزيد